Ambient

Qeveria ka miratuar dje një strategji për të mbrojtur ambientin. Që pas 2010-s do të lërkojë uljen taksative të squfurit dhe hidrokarbureve që gjenden në naftë duke e bërë naftën më të pastër. Aq të pastër, sa nafta mund të përdoret për balsam për të larë flokët si kurë kundër tullacllëkut, apo për të bërë gargarë për bajamet.
Burimi: Koha Jonë

Artificial

Sot shpallet fituesi i projektit të liqenit artificial.
Një juri ndërkombëtare do të vendosë për kullat e larta dhe shezlonget e plazhit që do të zënë vend aty ku dikur ka qenë “Gjiri i... Mjellmave”.
Ata 10 mijëra vetë që e kanë ndërtuar liqenin me punë vullnetare në vitet ‘60, sigurisht që do të thirren për të duartrokitur në fund.

Azi

Në Japoni është një star i vërtetë. Shigeo Tokudo në moshën 73 vjeç, pasi kishte kaluar gjithë jetën duke u marrë me agjensi imobiliare, i është kthyer në pension filmave porno.
Për të kjo është një mënyrë për të kaluar një pleqëri aktive.
Me mbi 200 filma, dhe një abonim të përjavshëm tek viagra.com, ai është miti i ri i kulturës pop japoneze.

<< Mbrapa | Perpara >>